Абон, кæфты мæйы 26-æм боны, Мамсыраты Хаджумары номыл 42-æм скъолайы райдыдта фыццаг фестиваль "Æз дæн мæ мыггаджы минæвар". Ацы азæй фæстæмæ уый уыдзæн æрвылазы традицион мадзал. Фестивалы æнæмæнг домæн уыд  хи мыггаджы тыххæй радзурын ирон æвзагыл жюрийы  уæнгтæн. Ноджы ма  хъуамæ архайджытæ радзырдтаиккой мыггаджы уарзон бæрæгбоны тыххæй, стæй равдыстаиккой кафынмæ, зарынмæ кæнæ æмдзæвгæтæ кæсынмæ куыд арæхсынц, уый дæр.  Кæй зæгъын æй хъæуы,  уæлахиздзау сбæрæг кæнын æнцон нæ уыд, уымæн æмæ скъоладзаутæ сæхи тынг хорз бацæттæ кодтой!